|
SubscriptionsSites I Read
|
|
|
|
| 今日已經係最後一日見到阿業
下個星期就有另一位新阿頭黎到
雖然只係相處左兩三個月, 講過唔夠五十句說話
我都有點唔捨得呢個嚴肅既阿頭
唔知點解知道佢係人地爸爸既時候就覺得佢好唔同
明白點解佢平時咁嚴肅
明白點解佢咁唔甘心離開千色.............
願神祝福佢係新工作環境可以順順利利..........
之後可以放四日假
終於可以做下運動..................^^ | | |
| 呢幾日感覺到條蛇又提醒我佢仲係度
間中會感覺到痛痛地, 唔係好妥
於是今日去左樂富搵林醫生執中藥
點知去到先知自己帶唔夠錢
林醫生好客氣咁話大家係自己人, 下次先計都可以
但自己都唔係幾好意思, 所以過後去轉賬比返林醫生
之後同班同學去好耐無去過既五十嵐
一樣都係咁鬼多人
食完野就去睇死亡筆記
我覺得第一集比阿二集好睇
因為第二集我有睇唔明的地方^^
睇過戲後同Ivan 去塔地鐵
我地見到紙, 書, 女仔, 筆就諗起死亡筆記
上曬腦..................
最後係好多死亡筆記既圖書館借左幾本英文書去做功課
仲幫智能身分證做左手續, 以為可以用身分證借書............ | | |
| 尋日係個激情既我
今日既我又變得好平靜
哈哈............我都唔知邊個先係自己
應該兩個都係^^
今朝阿姨要返去啦
同媽咪送佢去觀塘塔車
唔經唔覺就兩個星期
但係都無咩時間陪阿姨出去玩
希望佢下次黎我地會有多D 時間出去玩
起碼都入一入迪士尼啦^^
之後返屋企訓多一覺
起身食野再去飛個靚髮^^
上完堂同Boy, John, Ivan and 洋出去旺角睇野
大家有錢係身都係身痕的^^
7:30pm...........
同一班好好既弟兄們食飯
每次見到佢地都好平靜
每次係佢地身上都得到好多^^
我都好珍惜同佢地聚會既時間.........
咁就渡過左我23 歲既生日
生日禮物有唔實際, 實際, 同超實際(錢)
不過每一份我都係咁鐘意...............多謝^^
P.S. 多謝每一位送生日禮物比我的朋友仔
多謝每一位同我講過生日快樂的朋友仔 | | |
| 今日成日都好充實
但係今日無返學
特登抽一日出黎陪阿姨出去玩
因為聽日阿姨就要走
一早起身同埋阿媽, 阿姨三人塔MTR 去迪士尼.......既迪欣湖
佢地話得兩個老人家唔入去
費時入到去又唔玩機動遊戲就晒錢
結果係迪士尼出面都享受左一個下午
雖然無入到去, 但係都唔錯
之後就返出東涌行下街同食野
但原來東涌無咩野食
最後食完野就返屋企準備踼波既衫
踼波之後仲要返去學校聽個租用band room 既簡介會
好在41202 的同學們今日乽係旺角有飯局
所以叫佢地陪我出去旺角買護碗, 同埋dum 下時間
對PTU, 簡直覺得有種高手過招既感覺
上一次對佢地雖然嬴左, 但人係都嬴得好辛苦
今次佢地仲出返曬主力
可能因為咁我更加落力
但係上半場都錯失左兩次大好良機><
結果都係比佢地既手榴彈戰術攻入一球
下半場一開波無耐靠肥B 追返一粒打成平手
好耐無試過入波後咁興奮, 我真係大喊左一聲
之後又比佢地撞入一球角球........又洩一洩氣
不過D 體能好似愈踼愈有
無耐阿邸又入返一球
每入一球我都好興奮.......
呢種感覺真係唔係咁易感受到
可能大家都好重視呢場比賽, 而且實力唔差大遠
在場個個踼起黎都好有雄心
最後雖然都係輸左2 : 3
但係大家都之後都有好好志氣, 個個表現都好好
我覺得我係場邊既觀眾都會覺得精彩low^^
今日比自己評分都唔錯
起碼D 感覺返曬黎咁^^ | | |
| 今晚同以前彩記既同學們踼波
大家都無咩點變到
無論外型同言語
但係一除衫
一條條汽車胎出曬黎
個個做野唔踼波
出街就係塔車, 渣車.............
其實我都係咁樣, 點解我唔會肥呢.............
去到球場, 見到對面隊既人好齊心咁圍埋一個圈
心諗: 踼friendly姐, 唔洗咁認真呀嗎..............
不過睇佢地實力都幾有高低
唔似係踼比賽的
所以奇怪佢地開波前會咁齊心
踼完波阿銳話我知原來佢地全部都係"九龍城浸信會"的人
原來佢地係圍圈祈禱
怪唔知會咁團結
嶺東堂幾時會有足球來傳福音既時間^^
呢排我真係好想係將來可以教波
將來我應該要去考個教練牌
之後.................^^ | | |
|
